المنتديات العامة

**المدير العام**

ياااه

شيء عادى جدا .. دمعتين

أو حتى جوّه عيونا حزن .. فاض وفار

طب ما احنا أهو من كام سنه

الفرح غايب عننا

والصبر فينا والأمل .. ثابت وتد

لا بينحنى .. ولا ينكسر

ولا حتى بيخاف م الهدد

ميهمناش إيه اللي صار

إن كان ده شوك أو حتى نار

ما احنا يا ناس متعودين

طعم المرار ده من سنين

من وإحنا لسه صغيرين

من و احنا لسه ف الحياه لفه وجنين

أصل الفطام اللي ف بلدنا يا ولد ..

ص ب ا ر

● ○ ●

مرارى مرسوم ع الجبين

منذ الأزل

وأهو لم .. يزل

هما يادوبك .. دمعتين

● ○ ●

دمعتين ..

شيء عادى جدا .. دمعتين

وان جالنا حتى الانكسار

وبقينا يومها عضمتين .. متهشمين

وبقينا حتى مكسَّحين

ما يرد فينا غير أمل .. أو دمعتين

هما يا دوبك .. دمعتين .

الموضوع الاصلي : قصيدة دمعتين المصدر : شبكة انا كده الكاتب: anakeda

توقيــــــع anakeda